Ayo
migunaake basa jawa
(dening:Elza
dian siswanto)
Ayo
prakanca padha migunaake basa jawa dadi basa saben dina. Basa jawa iku basa
sing numindakne unggah ungguh paling sopan. Ora kaya basa sing liya, basa jawa
iki wae di bagi 4 unggah ungguh yaiku sing pertama basa ngoko lugu, ngoko alus,
krama lugu, lan krama alus. Yen disawang wae saka runtutan e mau, wis ketok yen
basa jawa iku pancen ndhuweni tata cara basa sing akeh lan apik.
Tapi
sakiki basa jawa awit ditinggalne, embuh perkara apa sing ndadeake akeh
masyarakat sing wegah nggawe basa jawa. Contoh e wae ngene, sakiki ora jarang
maneh sekolah-sekolah ing lemah jawa iki sing ngilangi pelajaran basa jawa,
pelajaran basa jawa uga diganti
pelajaran liya kayata, tata boga utawa tata busana lan sapanunggalane. Apa sing
nyebabake kaya ngunu mau? Apa basa asli budaya jawa iku ngisinke? Opo di anggep
ora gaul?. Terus contoh liyane yaiku para kaluarga enom ing jaman sakiki. Para
wong tua sakiki wis mbiasakne anggota kaluargane migunaake basa sakliyane basa
jawa. Contoh e wae yaiku basa indonesia lan basa inggris. Wong wong mau mikir
yen kaluargane padha nggawe basa indonesia utawa basa inggris dadi basa saben
dinane di anggep gaul,modern. Oleh wae migunaake basa indonesia utawa basa
inggris ing jaman globalisasi kaya sakiki. Tapi apa perlu nganti ninggalake
basa asli suku jawa? Banjur kepriye kelestarian e basa jawa yen para generasi
muda wae ora gelem migunaake basa jawa sing apik lan bener?. Yen ana sing
migunaake basa jawa mesti basa sing ngoko lugu. Apa maneh basa ngoko lugu sing
diisani para muda sakiki mau digawe bebasan marang wong sing luwih tua? Sing
kudune dihormati lan diajeni? Apa sopan? Rasane ora pantes yen para wong jawa ora ngerti basa ne dhewe.
Sakiki tugas e para generasi mudha penerusing
bangsa, ayo kita bareng bareng nglestarikne basa jawa sing wis awit ilang iki.
Kita kudu ndhuweni rasa nasionalisme sing akeh kanggo budaya kita, khusus e
budaya jawa. Mung bisa nggawe cara iki kita ngajeni perjuangane para pejuang
sing wis ngorbanke jiwa ragane kanggo kita kabeh.
0 komentar:
Posting Komentar